~~``Naz Ka Intikhab``~~

[naz]

Mohabbat ka Akhri December...!


Mohabbat ka Akhri December...!

Chalo khatam hoi aaj say dastaan-E-muhabbat
Ab hum tareekh-e-wafa main tera naam kanda kertey hain
Chalo aaj say hum chahat k zanda'n main muqeed huy
Teri yaad k sehra main dard-E-maazi ki wa'eed huy
Chalo ab kitaab-e-zeest se awraq-e-wafa palat'tay hain
K ab hum "wafa" ko jafa likhaingay , saza likhaingay
K ab hum apni bheegi january ki shuru'aat
Teray bakhsay huy azaab-e-tanhai se kertaY hain
Chalo ab teri muhabbat ki umar qaid muqaddar hoi
(k hum ko wafa nibhanay ki saza to milni thi)
Chalo ab hum apney haathon ki lakeero'n say
Tera aks-e-jaa'n mita daingay
Qalb-e-jaa'n main saji tasveer-E-muhabbat . . ..
Shab ki tanhai main chupke say hata daingay
Is per bhi sehar koi gham nahi hota
K hum ko zamane main teri ruswai manzoor nahi
Shayad isi liye yeh lehja gham nahi hota
Mgr jab faseel-E-jaa'n say saans ukharti hay to
Aise main hum Aseer-E-muhabbat
Phir say ahd-E-wafa duhranay lagtay hain
Itneay zakhm kha kar bhi
nishtar jaan ko teri ankhon ka
Surmai samandar yaad aata hay
Aisay main hum dair tak mazar-E-muhabbat per
Noha giri kertay hain , aahain bhartay hain
Aise main yaad-E-maazi ki her yaad
Nakhl-E-yada'n say mehev hojati hay
aisay main bas december ki
Siskiyan leti hoi sard tareek yaad ka
alvidaii manzar yaad aata hay
aisay main humain tu bhi nahi teri chahat bhi nahi
Bass woh muabbat ka aakhri december yaad aata hay
Haan bass woh aakhri december .........Yaad aata hay ..!

[naz]

Re: Mohabbat ka Akhri December...!

December Aa Ker Guzer JaYe Gaa...!

December aa ker guzer jaye gaa
Ik pair kay na jaaney kitnay pattey giraa jaaey gaa
December aa ker guzar jaye gaa
Chiriyaa'n chehkein gee yakh-basta raato'n may
Aur pairo'n pey aa ker yeh gumsum rahein gee
Na koi hari shaakh ho gee
Na koi patta ho gaa
December aa ker guzar jaye gaa
Kitney parindey be-ghar ho jaain gey
Jalaa dey gee unn ko december ki thandi hawa
Na jaaney kitney khwaab bin taabeer dhal jaain gey
December aa ker guzar jaye gaa
Ik pair kay na jaaney kitney pattey giraa jaye gaa

[naz]

December ki ALwidai ShaaM...!


December ki ALwidai ShaaM...!
Yeh kesa Alwidai geet gaaya december ne
jatey jatey nargissi mausam ko rulaya
khain pe lalazar banya
gulab motia chambeli se
tulip ki larioon se goond ke
pyar ke rangoon se sainch ke
parioon si khawishoon ke jhoormat
main
hamrieen laboon pe
duaaon ke alwidi kalmaat
tum hamesh raho mere saat
marmareen hatehlioon pe naii
umeedoon ke roshan chiragh
sadioon se chand ke devi
kaat rahi hai charqha
narm narm galoon se
prem ki dhank se dhunak rahi hai
hur ane wali subha ko
Rub ne dia hai sub ko ye hi pegham
ajj jati december ki sham
insaanyat ke naam
mohabbat azaadi shanti amaan hai
sub ki jaan
nafratoon ko kar do tammam
choti se hasti hai ye
pyar se basti hai
hamesha se hai
hamesha rahingain
Main or Nelaa Asmman

[naz]

Re: December ki ALwidai ShaaM...!

Bheega Bheega Sa Yeh December hai...!

Bheega bheega sa yeh december hai
Bheegi bheegi si.. tanhai hai
In kitaabon main jee nahin lagta
Hum ko sajni ki ya..ad aai hai
Bheega bheega sa december hai

Shaam ki kaali aankhain jab palkon ko chapkaati hain
Kissi pair kay neechay kuch yaadain gungunaati hain
Kuch pyar kay aadhay nagmay
Aadhi pyar ki kahaani..
Aik shehar ka raja..
Aur ek gaon ki rani
Donon baray premi thay
Ban main aaya kartay thay
Unkay pyar kay meethay nagmay
Panchi gaaya kartay thay
Ab na premi hain
Na woh baatain hain
Aur yaadain hi apni kamai hai..
In kitaabon main jee nahin lagta
Hum ko sajni ki ya..ad aaaai hai....

Is kamray ki khirki baarish ka shor sunati hai
Aur tumhari aahat hum ko yeh rog lagaati hai..
Ab kay saal december main jab ban main mein jaoon ga
Neeli jheel darakhton kay saayay aur sookhay pattay
Saaray tera poochain gain
Kahan hai tera poochain gain
Tera premi yaar kahan hai
Saaray tera poochain gain
Kia bataoon ga
Kia kahaani hai
Ab to qismat main apni judai hai..
In kitaabon main jee nahin lagta
Hum ko sajni ki yaa..ad aai hai...

Shaam dhallay jab panchi
Apnay apnay ghar jaatay hain
Koi mujhay batlayay
Mujhko yeh kiyoon tarpaatay hain
Mainay bhi ek sapna dekha tha apnay ghar ka..
Kho na jaye mera panchi
Lekin mujhko darr tha
Mera yeh afsaana hai
Saara yeh afsaana hai
Mera panchi rasta bhoola
Pagal hai anjaana hai
Tu gaya hai to
Mainay jaana hai
Mera dil ab bhi tera deewana hai
In kitaabon main jee nahin lagta
Hum ko sajni ki ya..ad aai hai...

Bheega bheega sa yeh december hai
Bheegi bheegi si.. tanhai hai
In kitaabon main jee nahin lagta
Hum ko sajni ki ya..ad aai hai...

[Masood]

Re: December ki ALwidai ShaaM...!

December is my month Naz yeh meri salgirah aur almost chal chalao ka maheena baneney wala tha :D

[Masood]

Re: Mohabbat ka Akhri December...!

Yeh december per aap itni mehrbaan kaisey hain Naz itna sara kalaam :)

[Yaaram]

Re: Barishon k Muasam Main...!

bohat umdah naz kamal klam share kya hay aapne

[hayaa_n]

Re: Barishon k Muasam Main...!

Naz ji aap ki taqreeban har sharing :masha bouhat umda hoti hay,yeh bhi pasand aai.:)

[naz]

Aik Dost Ke Naam...!

:rose :rose :rose :rose



:rose :rose :rose :rose

[naz]

Re: ~*~Meri Diary~*~ (update)

:rose :rose :rose :rose



:rose :rose :rose :rose

[Muhammad Khalil]

Re: Aik Dost Ke Naam...!

buhat hee khobsurat Naz..............

[Yaaram]

Re: Aik Dost Ke Naam...!

kamal ka kalam share kya hay aapne naz .........Happy New Year :)

[Masood]

Re: Aik Dost Ke Naam...!

Bohat pyara message hai Naz - happy New Year :)

[Fatima Asad]

Re: Aik Dost Ke Naam...!

aslaam_u_alikam

bohat hi achii lagii aap ki yeh nazm.
shukriya

[sheem]

Re: Aik Dost Ke Naam...!

awwww

bohat hi khoubsurat alfaz hain jano

thank you so much aur inshallah mai b yehi kosish karonga inshallah

i Love you